Суроо: Ассаламу алейкум! Суббахан Аллах альхамдулиллях Аллоху акбар 100 жолудан айтсан 100 тоо 100 кул Аллах жолунда бергендей сооп аласынбы? ушундай хадис барбы?

Жооп:

Валейкум ассалам ва рахматуллахи ва баракатуху

Бисмиллахир Рохмаанир Рохиим

الجواب حامدا ومصليا

Сиз айткан мазмундагыдай хадистер бар. Мен сизге бир нече хадистерди айтып өтөйүн:

Умму Хани (разияллооху анха) айтат: «Бир күнү Пайгамбар (саллаллооху алайхи ва саллам) менин алдыма келгенде, мен: «Оо, Аллахтын Элчиси! Мен карып, алсыз болдум. Мага бир амал айтыңыз, мен аны отуруп эле кылайын. Пайгамбар (саллаллооху алайхи ва саллам) айтты: «Субханаллохту 100 жолу айтыңыз, себеби бул Исмаил (алейхис салам) дын кулдарынан 100 кулду азат кылган менен барабар». «Алхамду Лиллахты» - 100 жолу айтыңыз, себеби бул Аллах Тааланын жолуна 100 токулган атты берген менен барабар, «Аллооху Акбарды» - 100 жолу айтыңыз, себеби курмандык чалууга белгиленген, кабыл болгон 100 төөнү курмандыкка чалган менен барабар. «Лаа илааха иллоллох» - деп 100 жолу айтыңыз, себеби мунун сообу асман менен жерди сообко толтурат. Ушуларды кылсаңыз ошол күнү сизге амалы тең келерлик амалы кабыл болгон эч ким болбойт. Бирок, сиз кылган амалды, кылган адам сиз менен тең болот. «Дагы бир риваятта мындай: Умму Хани (разияллооху ъанха): «Оо, Аллахтын Элчиси! «Мен карыдым, сөөктөрүм алсыз болду, ошондуктан мени бейишке киргизе турган амал айтыңыз» - деди. Пайгамбар (саллаллооху алайхи ва саллам): «Оо-оо, аябай жакшы суроо бердиңиз» - деп айтты. «Аллоху Акбар» ды 100 жолу айтыңыз, себеби бул 100 курмандыка белгиленген төөнү Аллахтын үйүндө союудан жакшыраак. «Лаа илааха иллоллох» деп 100 жолу айтыңыз, себеби бул асман менен жер ороп турган нерселерден жакшыраак жана ошол күнү сага амалы кабыл болуп тең келер адам жок болот. Бирок, сизден ушул келмелерди көбүрөөк айткандын амалы көбүрөөк болот. Дагы бир риваятта мындай: «Лаа илааха иллоллох»ту оку! Бул бир да күнөөнү калтырбайт жана буга окшош бир да амал жок.

عَن اُمِّ هَانِئٍ بِنْتِ اَبِى طَالِبٍ رَضِىَ اللهُ عَنْهَا قَالَتْ: مَرَّ بِى رَسُولُ اللهِ صَلَّى اللهُ عَلَيْهِ وَ سَلَّمَ ذَاتَ يَوْمٍ فَقُلْتُ: يَا رَسُولَ اللهِ! قَدْ كَبُرْتُ وَ ضَعُفْتُ، اَوْ كَمَا قَالَتْ: فَمُرْنِى بِعَمَلٍ اَعَمَلُ وَ اَنَا جَالِسَةٌ؟ قَالَ سَبِّحِى اللهَ مِائَةَ تَسْبِيحَةٍ فَاِنَّهَا تَعْدِلُ لَكِ مِائَةَ رَقَبَةٍ تُعْتِقِينَهَا مِنْ وُلْدِ اِسْمَاعِيلَ وَ احْمَدِى اللهَ مِائَةَ تَحْمِيدَةٍ فَاِنَّهَا تَعْدِلُ مِائَةَ فَرَسٍ مُسْرَجَةٍ مُلْجَمَةٍ تَحْمِلِينَ عَلَيْهَا فِى سَبِيلِ اللهِ وَ كَبِّرِى اللهَ مِائَةَ تَكْبِيرَةٍ فاِنَّهَا تَعْدِلُ لَكِ مِاَئَةَ بَدَنَةٍ مُقَلَّدَةٍ مُتَقَبَّلَةٍ، وَ هَلِّلِى الله مِائَةا قَالَ ابْنُ خَلَفٍ اَحْسِبُهُ قَالَ تَمْلَ أُ مَا بَيْنَ السَّمَاءِ وَ اْلَرْضِ وَ لَيرْفَعُ يَوْمَئِذٍ لِحَدٍ عَمَلٌ اِلّاَ اَنْ يَأْتِىَ بِمِثْلِ مَا اَتَيْتِ قُلْتُ : رواه ابن ماجه باختصار و رواه احمد و الطبرانى فى الكبير و لم يقل أ حْسِبُه و رواه فى الاوسط الا انه قال فيه قُلْتُ يَا رَسُولَ اللهِ كَبُرَتْ سِنِّى وَ رَقَّ عَظْمِى فَدُلَّنِى عَلَى عَمَلٍ يُدْخِلْنِى الْجَنَّةَ فَقَالَ بَخٍ بَخٍ لَقَدْ سَأَلْتِ وَ قَالَ خَيْرٌ لَكِ مِنْ مِاَئَةِ بَدَنَةٍ مُقَلَّدَةٍ مُجَلَّلَةٍ تُهْدِينَهَا اِلَى بَيْتِ اللهِ تَعَالَى وَ قُولِى لَا اِلَهَ اِلّاَ اللهُ مِائَةَ مَرَّةٍ فَهُوَ خَيْرٌ لَكِ مِمَّا اطَبَقَتْ عَلَيْهِ السَّمَاءُ وَ اْلَارْضُ وَ لَيرُفَعُ يَوْمَئِذِ لَاحَدٍ عَمَلٌ اَفْضَلُ مِمَّا رُفِعَ لَكِ اِلّاَ مَنْ قَالَ مِثْلَ مَا قُلْتِ اَوْ زَادَ . و اسانيدهم حسنة مجمع الزوائد ١٠ / ١٠٨ و رواه

الحاكم و قال قُولِى لاَ إِلَهَ اِلّاَ اللهُ لَتَتْرُكُ ذَنْبا وَ لاَ يُشْبِهُهُا عَمَلٌ . و قال هذا حديث صحيح الاسناد و وافقه الذهبي :١/٥١٤).

Саъд (разияллооху анху) айтты: «Биз Пайгамбар (саллаллооху алайхи ва саллам) дын алдында отурганда айтты: «Силердин бирөөңөр күнүнө миң жакшылык кылууга алсызбы?» Ошол жерде олтургандардан бир суроочу: «Биздин бирөөбүз кантип миң жакшылык кылат эле?» - деди Пайгамбар (саллаллооху алайхи ва саллам): «100 жолу «Субханаллох» - деп айтканга миң жакшылык жазылат жана миң күнөөсү кечирилет» - деди.

عَنْ سَعْدٍ رَضِىَ اللهُ عَنْهُ قَالَ: كُنَّا عِنْدَ رَسُولِ اللهِ صَلَّى اللهُ عَلَيْهِ وَ سَلَّمَ فَقَالَ: اَيَعْجِزُ اَحَدُكُمْ اَنْ يَكْسِبَ كُلَّ يَوْمٍ اَلْفَ حَسَنَةٍ؟ فَسَأَلَهُ سَائِلٌ مِنْ جُلَسَائِهِ: كَيْفَ يَكْسِبُ اَحَدُنَا اَلْفَ حَسَنَةٍ؟ قَالَ: يُسَبِّحُ مِائَةَ تَسْبِيحَةٍ فَيُكْتَبُ لَهُ اَلْفُ حَسَنَةٍ وَ تُحَطُّ عَنْهُ اَلْفُ خَطِيئَةٍ . رواه مسلم، باب فضل التهليل و التسبيح و الدعاء رقم ٦٨٥٢

والله أعلم بالصواب

Ответил: FATVA.KG, Администратор
Поделиться
Суроо: Ассаламу алейкум! Патолого – анатомиялык союп көрүү (вскрытия) боюнча шариаттын чечими кандай?
Жооп: Валейкум ассалам ва рахматуллахи ва баракатуху Бисмиллахир Рохмаанир Рохиим الجواب حامدا ومصليا Адам тирүү кезинде жана өлгөндөн кийин дагы өзүнө болгон сыйлуу мамилеге укуктуу. Бул укукту ага шарият жана ошондой эле мамлекеттин закону жана конституциясы берет. Ошондуктан маркумду тиги дүйнөгө узатууда бир катар жөрөлгөлөр кылынат, анын катарында маркумдун денесине сыйлуу мамиле…
?
Суроо: Ассаламу алейкум! Пластикалык хирургия кылса болобу?
Жооп: Валейкум ассалам ва рахматуллахи ва баракатуху Бисмиллахир Рохмаанир Рохиим الجواب حامدا ومصليا Азыркы мезгилде пластикалык хирургиянын Ислам укугунда уруксат берилгендиги же уруксат берилбегендиги мындайча айтканда адал же арам экендиги жөнүндөгү маселе кеңири талкууда. Хирургиянын бул түрүнө шарият уруксат берээр же бербесин билүү үчүн оболу анын максатын, багытын жана пластик…
?
Суроо: Ассаламу алейкум! Футбол ойноп намазга жетишпей калып убактысы отуп кетсе оюн арам болуп калабы?
Жооп: Валейкум ассалам ва рахматуллахи ва баракатуху Бисмиллахир Рохмаанир Рохиим الجواب حامدا ومصليا Шариат боюнча футбол ойносо болот, бирок оюн себебинен шариат өкүмдөр унутуп калбаш керек. Эгерде оюн себебинен намаз жана башка өкүмдөр калып кетсе, анда бул оюн арам оюндарга кошулуп калат. Ошон үчүн сиз футбол ойногондо намазды эске алыңыз жана эч качан каза кылбаңыз. Намаз каза кы…
?