Суроо: Ассаламу алейкум! Биз Наарындын тургунубуз, биздин там шаардын четинде жайгашкан. Кээде үйгө конок келип, түнөп калган учурлар болот. Ошол коноктор силердин үйүңөрдө коркунучтуу нерселер болбойбу? Деп сурап калышат, себеби түнү менен уктай албай чыгышат экен. Үйдү жин – шайтандардан кантип тазалоо керек? Эмне амал жасаш керек?

Жооп:

Валейкум ассалам ва рахматуллахи ва баракатуху

Бисмиллахир Рохмаанир Рохиим

الجواب حامدا ومصليا

Негизи үйгө киргенден баштап толлук үйдүн ичиндеги сүннөт амалдарга көңүл буруу керек мисалы: үйгө кирип жатканда окулуучу дуба, үйдөгүлөргө салам айтып кирүү, үйдөгү ажатканага кирип – чыгып жатканда окулуучу дуба, тамак жеп баштоодн мурун айтылчу дуба ж.б. себеби Аллахты эстөө, зикир кылуу бул шайтанды үйдөн кууп чыкканга эң чоң амалдардын бири болуп саналат. Ошондой эле Алланын китеби Курани Каримди көп – көп окуу бул үйдү жыпар жыттуу, таза кармайт жана шайтанды үйдөн кууп чыгарат. Бир хадисте мындай деп келет:

Абу Хурайра (разияллооху анху) дан риваят: Пайгамбар (саллаллооху алайхи ва саллам) айтты: «Үйүңөрдү мүрзө кылып албагыла! Шайтан «Бакара» сүрөсү окулган үйдөн сөзсүз качат».

Дагы бир хадисте:

Абу Хурайра (разияллооху анху) дан риваят: Пайгамбар (саллаллооху алайхи ва саллам) айтты: «Бакара сүрөсүндөгү бир аят бардык аяттардын башчысы ал кайсыл үйдө окулса шайтан тезинен качып чыгат. Ал «Аятулкурси» аяты».

Аллахты эстебөө, зикир кылбоо шайтанга өз үйүн жана тамак – ашын табууга мүмкүнчүлүк болуп саналат.

Ошондуктан, Оо, мусулман бир туугандар! Кайдыгерликтен алыс болуп, Алланы зикир кылууну важиб кылгыла, анткени Алланы зикир кылуу күчтүү амал жана эң жакшы жол.

عَن اَبِى هُرَيْرَةَ رَضِىَ اللهُ عَنْهُ اَنَّ رَسُولَ الله صَلَّى اللهُ عَلَيْهِ وَ سَلَّمَ قَالَ: لَ تَجْعَلُوا بيُوتَكُمْ مَقَابِرَ اِنَّ

الشَّيْطَانَ يَنْفِرُ مِنَ الْبَيْتِ الَّذِى تُقْرَأُ فِيهِ سُورَةُ الْبَقَرَةِ. رواه مسلم، باب استحباب صلاة النافلة في بيته.رقم الحديث:١٨٢٤).

عَنْ اَبِى هُريْرَةَ رَضِىَ اللهُ عَنْهُ قَالَ: قَالَ رَسُولُ الله صَلَّى اللهُ عَلَيْهِ وَ سَلَّمَ: سُورَةُ الْبَقَرَةِ فِيهَ ا آيَةٌ

سَيِّدَةُ آيِ الْقُرْآنِ لَتُقْرَأُ فِىبيْتٍ وَ فِيهِ شَيْطَانٌ اِلّاَ خَرَجَ مِنْهُ آيَةُ الْكُرْسِىِّ. رواه الحاكم صحيح الإسناد، الترغيب

رقم ٦ / ٣٧٠).

والله أعلم بالصواب

Жооп берген: FATVA.KG, Администратор
Бөлүшүү
Суроо: Ассаламу алейкум! Патолого – анатомиялык союп көрүү (вскрытия) боюнча шариаттын чечими кандай?
Жооп: Валейкум ассалам ва рахматуллахи ва баракатуху Бисмиллахир Рохмаанир Рохиим الجواب حامدا ومصليا Адам тирүү кезинде жана өлгөндөн кийин дагы өзүнө болгон сыйлуу мамилеге укуктуу. Бул укукту ага шарият жана ошондой эле мамлекеттин закону жана конституциясы берет. Ошондуктан маркумду тиги дүйнөгө узатууда бир катар жөрөлгөлөр кылынат, анын катарында маркумдун денесине сыйлуу мамиле…
?
Суроо: Ассаламу алейкум! Пластикалык хирургия кылса болобу?
Жооп: Валейкум ассалам ва рахматуллахи ва баракатуху Бисмиллахир Рохмаанир Рохиим الجواب حامدا ومصليا Азыркы мезгилде пластикалык хирургиянын Ислам укугунда уруксат берилгендиги же уруксат берилбегендиги мындайча айтканда адал же арам экендиги жөнүндөгү маселе кеңири талкууда. Хирургиянын бул түрүнө шарият уруксат берээр же бербесин билүү үчүн оболу анын максатын, багытын жана пластик…
?
Суроо: Ассаламу алейкум! Футбол ойноп намазга жетишпей калып убактысы отуп кетсе оюн арам болуп калабы?
Жооп: Валейкум ассалам ва рахматуллахи ва баракатуху Бисмиллахир Рохмаанир Рохиим الجواب حامدا ومصليا Шариат боюнча футбол ойносо болот, бирок оюн себебинен шариат өкүмдөр унутуп калбаш керек. Эгерде оюн себебинен намаз жана башка өкүмдөр калып кетсе, анда бул оюн арам оюндарга кошулуп калат. Ошон үчүн сиз футбол ойногондо намазды эске алыңыз жана эч качан каза кылбаңыз. Намаз каза кы…
?