Суроо: Ассаламу алейкум! Тамак аштын үстү кечкисин кээде унутулуп үстү жабылбай калса эртеси жесе болобу?

Жооп:

Валейкум ассалам ва рахматуллахи ва баракатуху

Бисмиллахир Рохмаанир Рохиим

الجواب حامدا ومصليا

Түнкүсүн идишти жабуу буйругу - бул үммөткө мээримдүүлүк үчүн айтылган жана мустахаб өкүмдөрдөн. Хадисте мындай деп келген: "Идиш – аяктардын беттерин, үстүлөрүн жаап койгула. Анткени, жылдын бир түнү үстү жабылбай калган идиштерге оору түшөт".

غطوا الإناء وأوکوا السقاء فإن في السنة لیلة ینزل فيها وباء لا یمر بإناء لیس عليه غطاء أو سقاء لیس عليه وکاء إلا نزل فيه من ذلک الوباء (مشکوٰة: ج۱ ص۳۷۲).

Ошондуктан, идиш – аяктардын беттерин жаап коюп укташ керек. Бирок, эгер идиштердин беттерин жабууну билбей унутуп койсо, анда ага күнөө болбойт. Ал эми идиштер жабылбагандыктан, ичиндеги нерселер арам болуп калбайт. Ошондуктан, кимдир бирөө бул нерселерди жегиси келсе, анда аны жесе болот. Ал эми жүрөгү каалабай жатса анда ыргытып жибербей, үй жаныбарларына берип койгону жакшы.

عَنْ جَابِرٍ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ : أَطْفِئُوا الْمَصَابِيحَ إِذَا رَقَدْتُمْ، وَغَلِّقُوا الْأَبْوَابَ، وَأَوْكُوا الْأَسْقِيَةَ، وَخَمِّرُوا الطَّعَامَ وَالشَّرَابَ. وَأَحْسِبُهُ قَالَ : وَلَوْ بِعُودٍ تَعْرُضُهُ عَلَيْهِ۔ (صحیح البخاری،کتاب الاشربة، باب تغطیة الاناء، رقم الحدیث : ۵٦٢۴)

وفی مرقاة المفاتيح لملا علي القاري:

وقال القرطبي: جميع أوامر هذا الباب من باب الإرشاد إلى المصلحة، ويحتمل أن تكون للندب لا سيما فيمن ينوي امتثال الأمر.(ج:٨، ص:١٨٥، ط: رشید).

والله أعلم بالصواب

Жооп берген: FATVA.KG, Администратор
Бөлүшүү
Суроо: Ассаламу алейкум! Патолого – анатомиялык союп көрүү (вскрытия) боюнча шариаттын чечими кандай?
Жооп: Валейкум ассалам ва рахматуллахи ва баракатуху Бисмиллахир Рохмаанир Рохиим الجواب حامدا ومصليا Адам тирүү кезинде жана өлгөндөн кийин дагы өзүнө болгон сыйлуу мамилеге укуктуу. Бул укукту ага шарият жана ошондой эле мамлекеттин закону жана конституциясы берет. Ошондуктан маркумду тиги дүйнөгө узатууда бир катар жөрөлгөлөр кылынат, анын катарында маркумдун денесине сыйлуу мамиле…
?
Суроо: Ассаламу алейкум! Пластикалык хирургия кылса болобу?
Жооп: Валейкум ассалам ва рахматуллахи ва баракатуху Бисмиллахир Рохмаанир Рохиим الجواب حامدا ومصليا Азыркы мезгилде пластикалык хирургиянын Ислам укугунда уруксат берилгендиги же уруксат берилбегендиги мындайча айтканда адал же арам экендиги жөнүндөгү маселе кеңири талкууда. Хирургиянын бул түрүнө шарият уруксат берээр же бербесин билүү үчүн оболу анын максатын, багытын жана пластик…
?
Суроо: Ассаламу алейкум! Футбол ойноп намазга жетишпей калып убактысы отуп кетсе оюн арам болуп калабы?
Жооп: Валейкум ассалам ва рахматуллахи ва баракатуху Бисмиллахир Рохмаанир Рохиим الجواب حامدا ومصليا Шариат боюнча футбол ойносо болот, бирок оюн себебинен шариат өкүмдөр унутуп калбаш керек. Эгерде оюн себебинен намаз жана башка өкүмдөр калып кетсе, анда бул оюн арам оюндарга кошулуп калат. Ошон үчүн сиз футбол ойногондо намазды эске алыңыз жана эч качан каза кылбаңыз. Намаз каза кы…
?